सरोज कुमार पासमान, कर्जन्हा २३ कार्तिक । सिरहाको मिर्चैया नगरपालिकाले एकपछि अर्को उदाहरणीय कार्य गरिरहेको छ । मिर्चैया नगरपालिकाले अब आफ्नो जनताहरुलाई आफ्नै पालिकाबाट राहदानी÷पासपोर्ट उपलब्ध गराउने व्यवस्था मिलाएको छ ।
राहदानी÷पासपोर्टका लागि पटक पटक सिरहा र काठमाण्डौं दौडि रह्ने र मोटो रकम संगै अत्यधिक समय खर्चिरह्ने समस्यालाई अन्त्यका लागि नगरपालिका बाटै सहज रुपमा राहदानी÷पासपोर्ट उपलब्ध गराउन लागेको मिर्चैया नगरपालिकाको नगर प्रमुख श्रवण कुमार यादवले गंगाजल एफ. एफ.लाई जानकारी दिए ।
स्थानिय सरकारको आभाष जनताको घरमा पुगाउने उद्देश्यले काठमाण्डौं र जिल्लामा केन्द्रित रहेको जनताको सेवा सुविधा अब पालिकामै व्यवस्था गर्ने क्रमको सुरुवात भइसकेको बताउदै अब पालिकाबाटै सुविधा लिनुहुन मेयर यादवले नगरवासिलाई आग्रह समेत गरे ।
मिर्चैया नगरपालिकाको प्रमुख प्रशासकीय अधिकृत बिष्णु रंजन बराल र नगर प्रमुख श्रवण कुमार यादव संयूक्त रुपमा सूचना जारी गर्दै नगरपालिकाका जनताहरुलाई स्थानीय पालिकाबाटै राहदानी÷पासपोर्टको निशुल्क फारम भरिने र उक्त फारम भरिएका व्यक्तिहरुलाई पालिकाबाटै राहदानी÷पासपोर्ट उपलब्ध हुने जानकारी गराएका छन् ।
राहदानी÷पासपोर्टका लागि फारम, फोटो तथा राहदानी शुल्क बुझाउनका लागि एकपटक मात्र जिल्ला प्रशासन कार्यालय जानुपर्ने बताइएका छन् ।
