सिरहा, असोज २९ गते । टी–२० त्रिकोणीय शृंखलाका लागि नेपालले आफ्नो टिम सार्वजनिक गरेको छ ।
नेपाल, युएई र हङकङबीच आगामी अक्टोबर १८ देखि २७ सम्म काठमाडौंको मूलपानी क्रिकेट स्टेडियममा त्रिकोणीय सिरिज’ आयोजना हुँदैछ ।
नेपालले रोहित पौडेलको कप्तानीमा १८ खेलाडी सम्मिलित स्क्वाड सार्वजनिक गरेको हो । टिममा स्टार स्पिनर सन्दीप लामिछाने भने समेटिएका छैनन् ।
टिममा दुई विकेटकिपर आसिफ शेख र विनोद भण्डारी, कुशल भुर्तेल, कुशल मल्ल, दीपेन्द्रसिंह ऐरी, दीपेन्द्र जोरा, गुल्सन झा, सोमपाल कामी, किरण केसी, प्रतिश जिसी र ललित राजवंशी छन् ।
यस्तै, अभिनाश बोहरा, विवेक यादव, सागर ढकाल, लोकेश बम, सूर्य तामाङ र श्याम (मौसम) ढकाल पनि टिममा समावेश भएका छन् ।
