सरोज कुमार पासमान
स्थानिय सरकारको ६ औं वर्षमा पहिलो पटक नगरपालिकाबाट दुई ओटा बाख्रा पाउँदा आफु खुसिले गदगद भएको मिर्चैया नगरपालिका वडा नं. ५ वस्ने चन्द्रकला देवी महराले सुनाइन् । उनले भनिन्,“ नगरपालिकामा केहि वितरण भएपछि हामीलाई केही जानकारी दिदैन, ६ वर्षमा यसपाली एकै पटक दुइ ओटा बाख्रा पाए निकै खुसि छु, घरको आर्थिक अवस्था यसले सुधार हुन्छ भन्ने विश्वास लिएको छु यसलाई दुई बाट ४ बनाएर उचित मोलमा बिक्रि गर्ने योजना छ ।”
दिनभरि घरमा वसेर अरुकै कुरा सुनेर कुरा काटेर दिन बिताइ रहेको अवस्था थियो तर, मिर्चैया नगरपालिकाले दुई ओटा बाख्रा दिएपछि यसैमा आफु र घर परिवारका अन्य सदस्य पनि व्यस्त भएको मिर्चैया नगरपालिका वडा नं. ५ कि पारवती कुमारी चौधरीले बताइन् । उनले भनिन्“घरमा पाँच जनाको परिवार छ तर, आमदानी आउने कुनै ठोस श्रोत छैन् । कहिले काही पैसाको निकै खाचो भएको हुन्छ अनि हातमा पैसा नभएपछि कस्तो अपठ्यारो हुन्छ । अब त्यस्तो हुदैन नगरपालिकाबाट प्राप्त भएको बाख्रालाई बृद्धि गर्दै आर्थिक समस्या पनि समाधान गर्न बाख्रा पालनमा जोड दिन्छु ।” बाख्रा हस्तान्तरण नगरपालिकाको उदाहरणिय कार्य भएको र समुहको दश प्रतिशत साथै नगरपालिकाको ९० प्रतिशत लगानीमा बाख्रा वितरण भएको चौधरीले जानकारी दिए ।
मिर्चैया नगरपालिका पशु सेवा शाखाको आयोजनामा भएको बाख्रा हस्तान्तरण कार्यक्रममा माँ गौरी महिला बाख्रा पालन समुह मिर्चैया नगरपालिका ५ का १५ जना किसानलाई, जितमहान बाख्रा पालन समुह मिर्चैया नगरपालिका ६ का १० जना किसानलाई र प्रगतिशिल बाख्रा पालन समुह मिर्चैया नगरपालिका वडा नं. ३ का २५ जना किसानलाई जमुनापारी, खरी, बोयरक्रस उन्नत जातको बाख्रा वितरण गरेको शाखा प्रमुख नागेश्वर हाथीले जानकारी दिए । आ.ब.२०७९।०८० मा नयाँ बाख्रा पकेट विकास कार्यक्रम अन्तर्गत रहेको १० लाख विनियोजन रकमले बाख्रा हस्तान्तरण कार्यक्रम गरिएको शाखा प्रमुख हाथीले जानकारी दिए ।
