सिरहा, चैत २४ गते । सहिद हेमनारायण गोल्डकप फुटबल प्रतियोगिताको उपाधी घरेलु टोली सलहेश युवा कल्वले जितेको छ ।
सिरहा क्याम्पसको खेल मैदानमा भएको फाइनल खेलमा घरेलु टोली सलहेश युवा कल्वले २–० गोल अन्तरले वीरगंज युनाईटेड पर्सालाई पराजित गरी उपाधी उचालेको हो ।
सलहेश युवा कल्वले दुवै गोल मध्यान्तरभन्दा अगाडी नै गरेका थिए । मध्यान्तरपछि दुवै टोलीवाट गोलको प्रयास भएपनि गोल हुन सकेन ।
उपाधी विजेता सलहेश युवा कल्वलाई २ लाख ५१ हजार नगद, गोल्कप ट्रफी प्रदान गरिएको छ । यस्तै उपविजेता वीरगंज युनाईटेडलाई १ लाख ५१ हजार नगद र ट्रफी प्रदान गरिएको आयोजक सलहेश युवा कल्वका अध्यक्ष राजिप यादवले बताएका छन् ।
सलहेश युवा कल्व सेमिफाईनलमा उदयपुर फुटबल कल्वलाई पराजित गरी फाईनल प्रवेश गरेका थिए भने वीरगंज युनाईटेडले क्षमादेवी प्लानिङ ब्वायज स्पोटिङ कल्व काठमाडौंलाई पराजित गरी फाईनल प्रवेश गरेका थिए ।
