सरोज कुमार पासमान, कर्जन्हा, ६ पुष । सिरहाको कर्जन्हा नगरपालिकामा जनचेतना सामुदायिक सिकाई केन्द्रले १४ र्औ साधारण सभा शुक्रबार सम्पन्न गरेको छ । साधारण सभाको अवसरमा जनचेतना सामुदायिक सिकाई केन्द्रका पदाधिकारीले समाजको विभिन्न क्षेत्रमा योगदान दिएका व्यक्तिहरुलाई दोसल्ला ओढाएर सम्मान समेत गरेको छ ।
जनचेतना सामुदायिक सिकाई केन्द्र कर्जन्हा नगरपालिका वडा नं. ७ को अध्यक्ष तिर्थलाल पासमानको अध्यक्षतामा भएको कार्यक्रममा प्रमुख अतिथिको रुपमा कबिरकुट्टीको महन्थ सत्यनारायण दास लगायत समाजसेवी, बुद्धिजिवी, राजनीतिककर्मी, सिकाई केन्द्रका पदाधिकारी, कर्मचारी, स्थानियको उपस्थितीमा साधारण सभा सम्पन्न भएको कार्यक्रमका उद्घोषक बिपतिया साहले जानकारी दिए ।
साधारण सभामा बोल्दै विभिन्न वक्ताहरुले जनचेतना सामुदायिक सिकाई केन्द्र समाजमा देखिएका विभिन्न समस्याहरुको समाधान गर्ने उद्देश्यले थप कार्यक्रमहरु गर्नुपर्ने बताए । जनचेतना सामुदायिक सिकाई केन्द्र स्थापना कालदेखि नै समाजको विभिन्न समस्याहरुको पहिचान गरि आफ्नो समाथ्र्य बमोजिमका कार्यहरु गर्दै आएको र अगामी दिनमा समेत विभिन्न कार्यक्रम गर्ने भएकोले सबै नगरवासीको सहयोगको आवश्यकता रहेको जनचेतना सामुदायिक सिकाई केन्द्रका पुर्व अध्यक्ष सिंहहेश्वर पासमानले बताए । जनचेतना सामुदायिक सिकाई केन्द्र निःस्वार्थ रुपमा जनताको सेवामा विभिन्न सेवामुलक कार्य गर्न तयारी रहेकोले जनचेतना सामुदायिक सिकाई केन्द्रलाई नगरपालिकाबाट उचित सहयोग गरिदिनुपर्ने अध्यक्ष तिर्थलाल पासमानले बताए । उनले, जनचेतना सामुदायिक सिकाई केन्द्रलाई नगरवासी र जनप्रतिनिधीबाट थप सहयोगको जरुरी रहेको समेत प्रष्ट गरे । जनचेतना सामुदायिक सिकाई केन्द्रले आ.ब.२०७९।८० को आय व्यय समेत सार्वजनिक गरेको छ । आय तर्फ ४ लाख ३१ हजार ६ सय १३ रुपैयार र व्यय तर्फ ४ लाख ३१ हजार ४ सय ३४ रुपैयाँ रहेको जानकारी दिएका छन् ।
