सरोज कुमार पासमान, २२ मंसिर । सिरहाको मिर्चैया नगरपालिकाले शिक्षा क्षेत्रलाई सुधार गर्नका लागि विभिन्न स्थानहरुमा भौतिक निर्माणको योजनाहरुलाई शिलान्यास गर्दै भवनहरु निर्णमाणका कार्य अघि बढाएका छन् ।
मिर्चैया नगरपालिकाको नगर प्रमुख श्रवण यादवले शुक्रबार नगरपालिकाको दुई वटा विद्यालयमा चार कोठे भवन निर्माणका लागि शिलान्यास गरेका छन् । नगर प्रमुख यादवले मिर्चैया नगरपालिका १ स्थित रहेको श्री शारदा माध्यमिक विद्यालय रामपुरविर्ता र श्री बा.जु.मा.वि. फुलबरीयामा भवन निर्माणका लागि शिलान्यास भएपछि यसले विद्यार्थीलाई गाउँमै उच्च शिक्षा लिन सहयोग मिल्ने स्थानिय सुरेन्द्र प्रसाद साह बताए ।
मिर्चैया नगरपालिकाको समन्वयमा राष्ट्रपति शैक्षिक सुधार कार्यक्रम अन्तर्गत ३६ लाखको लागतमा भवन निर्माण भइरहेको र नगरपालिकाले शिक्षा सुधारमा जोड दिएको मिर्चैया नगरपालिका १ स्थित रहेको श्री शारदा माध्यमिक विद्यालय रामपुरविर्ताका प्र.अ.शौखीलाल तमाङ्गले जानकारी दिए ।
भवन निर्माण भइ सकेपछि पलस टु संचालन गर्न सहयोग मिल्ने विद्यालय व्यवस्थापन समितिका अध्यक्ष प्रेमनाथ यादवले बताए ।
नगरपालिका भित्र रहेका सामुदायिक विद्यालयहरुको समस्या समाधानका लागि प्राथमिकतामा राखेको र संस्थागत विद्यालयहरुलाई समेत परिधी भित्र ल्याउनका लागि ग्रेडको व्यवस्था गर्ने मेयर यादवको भनाइ रहेको छ ।
